ආයුබෝවන්. අද කතා කරන්නේ ටිකක් වෙනස් මාතාවක්. ඔන්න ආයෙත් වැඩේ ඉවරයිලු! බිට්කොයින් (Bitcoin) මැරිලාලු. මේක 467 වෙනි වතාවට තමයි බිට්කොයින් මැරුණා කියලා ලෝකෙට ප්රකාශ කරන්නේ. මම දන්නවා ඔයාලට දැන් මොකද හිතෙන්නේ කියලා. YouTube, Twitter, Reddit හැමතැනම මිනිස්සු බය වෙලා "දැන් නම් ඉවරයි, බිට්කොයින් ස්කෑම් එකක්" කියලා කෑගහනවා මට පේනවා. ඉතින් මේ ගැන තමයි අපි අද කතා කරන්නෙ. එහෙනම් යමු අපි වීඩීයෝ එකට.
දැන් බිට්කොයින් මිල අදට 2026/02/09 දිනට $70,000ක් විතර වෙනවා. කලින් තිබ්බ උපරිම මිල වන $126,000න් බැලුවොත් මේක 50%ක විතර වැටීමක්. 'Fear and Greed Index' එක 12ට බැහැලා—ඒ කියන්නේ මාර්කට් එකේ තියෙන්නේ පුදුම බයක්. හැබැයි ඔයා කලබල වෙලා තීරණ ගන්න කලින්, මම හොයාගත්ත දෙයක් ඔයාලට පෙන්නන්නම්.
ඉතින් මේ ගැන ඉතාම පැහැදිලිව අපේ Bitcoin Sri Lanka YouTube නාලිකාවේ වීඩියෝ එක්කින් ඉදිරිපත් කරලා තියනවා. මේ පහල තියෙන්නෙ ඒ වීඩියෝ එක. ඔයාට පුළුවන් ඒකත් බලන්න
1. මළගමක හාස්යජනක පැත්ත
ඔයාලා දන්නවද bitcoindeaths.com කියලා වෙබ් අඩවියක් තියෙනවා? මේකේ කරන්නේ 2010 ඉඳන් ප්රවීණයෝ සහ ලොකු පුවත්පත් බිට්කොයින් මැරුණා කියලා කියපු හැම වතාවක්ම සටහන් කරන එක. අද වෙනකොට එහෙම මළගම් 467ක් වාර්තා වෙලා තියෙනවා.
හැබැයි මේකේ තියෙන පුදුම වැඩේ මේකයි: ඒ හැම වතාවකම, ඒ කියන්නේ බිට්කොයින් මැරුණා කියලා ප්රවීණයෝ කියපු හැම වෙලාවකම ඔයා ඩොලර් 100 බැගින් ඉන්වෙස්ට් කරා නම්, අද වෙනකොට ඔයා ළඟ ඩොලර් මිලියන 66කට වඩා ($66,332,000) සල්ලි තියෙනවා. මේක ලැබෙන්නේ ලොකු ට්රේඩර් කෙනෙක් වෙලා නෙවෙයි, හැමෝම බය වෙලා ඉන්න වෙලාවේ කලබල නොවී ඉන්වෙස්ට් කරපු නිසයි.
අපි බලමු අතීතයේ වෙච්ච දේවල් කිහිපයක්:
• 2011 නොවැම්බර්: බිට්කොයින් මිල ඩොලර් 2.33යි. Wired සඟරාව කිව්වා බිට්කොයින් ඉවරයි කියලා. අද ඒ වගේ 27,000 ගුණයකට වඩා මිල වැඩියි.
• 2013 දෙසැම්බර්: මිල $1,000 ඉඳන් $200ට වැටුණා. නොබෙල් ත්යාගලාභී පෝල් කෘග්මන් (Paul Krugman) කිව්වා මේක වැඩකට නැති දෙයක් කියලා.
• 2018 ජනවාරි: $20,000 ඉඳන් $3,200ට වැටුණා (84%ක කඩාවැටීමක්). හැමෝම කිව්වා බිට්කොයින් ඉවරයි කියලා. හැබැයි ඊට පස්සේ මිල $69,000ට ගියා.
• 2022 නොවැම්බර්: FTX සමාගම කඩාවැටුණ වෙලාවේ බිට්කොයින් $15,500ට වැටුණා. ප්රවීණයෝ කිව්වා "මේ පාර නම් ආයෙත් ගොඩ ඒමක් නැහැ" කියලා. හැබැයි එතන ඉඳන් මිල $126,000ට ගියා.
මේ හැම වෙලාවකම වෙන්නේ එකම දේ. මාධ්ය මළගම් ප්රකාශ කරන්නේ මිල අඩියටම වැටුණු වෙලාවටයි.
2. මිල සහ සැබෑ වටිනාකම (Engineering vs Price)
ඇයි මේ ප්රවීණයන්ට හැමදාම වරදින්නේ? මොකද එයාලා බලන්නේ මිල (Price) දිහා විතරයි. හැබැයි බිට්කොයින් දන්න අය බලන්නේ එහි තාක්ෂණය (Fundamentals) දිහා.
මයිකල් සේලර් (Michael Saylor) කියන විදිහට, බිට්කොයින් වලට කලින් අපි හරියටම "සල්ලි" කියන්නේ මොකක්ද කියලා දැනගෙන හිටියේ නැහැ. අපි පාවිච්චි කරපු හැම මුදල් වර්ගයකම (කවඩි, වීදුරු පබළු, රජයේ මුදල්) අඩුපාඩු තිබ්බා. බිට්කොයින් කියන්නේ "ආර්ථික ශක්තියක්" (Economic Energy). මේක හරියට නියම විදිහට හදපු ඉංජිනේරු නිර්මාණයක් වගෙයි. මිල වැටුණා කියලා එහි තාක්ෂණය වෙනස් වෙන්නේ නැහැ. බිට්කොයින් නෙට්වර්ක් එක හැම විනාඩි 10කට වතාවක්ම බ්ලොක් එකක් හදන එක අවුරුදු 15ක් තිස්සේ නොකඩවා කරගෙන යනවා.
ජැක් මැලර්ස් (Jack Mallers) කියන විදිහට, බිට්කොයින් වල අරමුණ මිල වැඩි කරන එක නෙවෙයි, "සල්ලි කියන දේ නිවැරදි කරන එකයි" (Fix the money).
3. ලොකු සමාගම් (Institutions) මොකද කරන්නේ?
බිට්කොයින් මැරිලා නම්, ලෝකෙ ඉන්න ලොකුම සල්ලිකාරයෝ මේකට බය නැත්තේ ඇයි?
• BlackRock: ලෝකෙ ලොකුම වත්කම් කළමනාකරණ සමාගම. එයාලගේ බිට්කොයින් ETF එක (IBIT) හරහා ඩොලර් බිලියන ගණනක් බිට්කොයින් වල තියෙනවා. පුදුම වැඩේ කියන්නේ, බිට්කොයින් මිල 13%කින් වැටුණු දවසට පස්සේ දවසෙත් මිනිස්සු ඩොලර් මිලියන 231ක් අලුතෙන් ඒකට දාලා තියෙනවා.
• MicroStrategy: මෙයාලා ළඟ බිට්කොයින් 713,520ක් තියෙනවා. ඒ කියන්නේ ලෝකේ තියෙන මුළු බිට්කොයින් වලින් 3.4%ක්. මිල වැටුණත් මෙයාලා විකුණන්නේ නැහැ, තවත් ගන්නවා.
ලොකු සමාගම් කලබල වෙලා තීරණ ගන්නේ නැහැ. එයාලා දන්නවා මේක දීර්ඝකාලීන ආයෝජනයක් කියලා.
4. මනෝවිද්යාව සහ අවුරුදු 4ක චක්රය
බිට්කොයින් වල අවුරුදු 4ක චක්රයක් තියෙනවා. 2013, 2017, 2021 සහ 2025. හැම පාරම මිල අහසටම ගිහින් ආයෙත් විශාල ලෙස වැටෙනවා. හැබැයි ඔයාලා නිරීක්ෂණය කරොත් පේනවා, මේ වැටීම් වල ප්රමාණය කලින්ට වඩා දැන් අඩුයි. ඒ කියන්නේ බිට්කොයින් මාර්කට් එක දැන් මුහුකුරා ගිහින්.
දැන් මේ වෙන්නේ මොකක්ද? මේක තමයි "සල්ලි මාරු වෙන වෙලාව". බය වුණු අය (Weak hands) තමන්ගේ බිට්කොයින් ටික විකුණද්දී, ඉවසීම තියෙන අය (Strong hands/Whales) ඒ ටික අඩුවට ගන්නවා. පසුගිය සතියේ විතරක් ඩොලර් බිලියන 2.5ක සල්ලි මාර්කට් එකෙන් පිච්චිලා ගියා. ඒ ගොඩක් අය ණයට සල්ලි අරන් (Leverage) ට්රේඩ් කරපු අය. ඒ නිසා මතක තියාගන්න, ඔයාට නැති වුණත් ප්රශ්නයක් නැති සල්ලි විතරක් මේකට දාන්න.
5. අවසාන නිගමනය
ඉතින් ඔයා දැන් මොකද කරන්නේ? 467 වෙනි මළගම විශ්වාස කරනවද? නැත්නම් අවුරුදු 15ක බිට්කොයින් ඉතිහාසය විශ්වාස කරනවද?
පරම්පරා ගණනකට සෑහෙන වත්කම් හදන්නේ හැමෝම බය වෙලා ඉන්න වෙලාවේ හරි තීරණ අරගෙනයි. බිට්කොයින් තාක්ෂණය වෙනස් වෙලා නැහැ, වෙනස් වෙලා තියෙන්නේ මිනිස්සුන්ගේ දැකීම විතරයි.
ඔයා මේ වීඩියෝ එක අවසානය වෙනකම් බැලුවා නම්, ඔයා ලේසියෙන් බය වෙන කෙනෙක් නෙවෙයි. ඔයාට තියෙන්නේ "ඩයමන්ඩ් හෑන්ඩ්ස්" (Diamond Hands). බිට්කොයින් මැරිලා නැහැ, බිට්කොයින් දැන් තියෙන්නේ "සේල්" (Sale) එකක.
සුභ දවසක්
සැළකිය යුතුයි:
අධ්යාපනික අරමුණු සඳහා පමණි: මෙම ලිපියේ අන්තර්ගතය වර්තමාන තොරතුරු හා අධ්යාපනික අරමුණු සඳහා පමණක් එකතු කර ඇති අතර, කිසිඳු ආකාරයක මුදල් ආයෝජන උපදේශයක් නොවේ.
මූල්ය උපදෙස් නොවේ: මෙම ලිපිය සහ වීඩියෝව සපයා ඇත්තේ තොරතුරු දැනගැනීම සඳහා පමණක් වන අතර එය මූල්ය, නීතිමය හෝ බදු උපදෙස් ලෙස නොසැලකිය යුතුය. ඕනෑම මූල්ය තීරණයක් ගැනීමට පෙර ඔබගේම පර්යේෂණ සිදු කර බලපත්රලාභී වෘත්තිකයෙකුගෙන් උපදෙස් ලබාගන්න.
මෙම ලිපිය හුවමාරු කරගන්න
